leikskoli-hunabyggd-is

Menntastefna Húnabyggðar

Mon, 27 Apr 2026 10:47:51 GMT

Menntastefna Húnabyggðar

Í vetur hefur verið unnið að gerð menntastefnu fyrir Húnabyggð. Nú liggja fyrir drög að stefnunni og hafa þau verið samþykkt í fræðslunefnd og vísað til samráðs í skólasamfélaginu hér í Húnabyggð. Drögin má nálgast hér.

Menntastefnan byggir á grunnþáttum menntunar, 12 meginmarkmiðum, 3 megináherslum og 5 grunnstoðum sem koma fram í Menntastefnu Íslands til 2030 og hefur stefnan tilvísanir í Barnasáttmála Sameinuðu þjóðanna. Ætlunin er að ná utan um allt starf með börnum og unglingum og stuðla að farsæld í leik og starfi og tryggja jöfn tækifæri til náms og leiks.

Við óskum eftir umsögnum og ábendingum frá íbúum fyrir 5. maí n.k. og hægt er að senda þær inn hér .

Fræðslustjóri og formaður fræðslunefndar vinna svo úr umsögnum og ábendingum sem berast og bregðast við ef þarf. Að því loknu fer menntastefnan til meðferðar hjá byggðaráði og þaðan til sveitarstjórnar til staðfestingar.

Gleðilega páska

Wed, 01 Apr 2026 11:18:37 GMT

Gleðileg páska

Starfsfólk Leikskóla Húnabyggðar sendir ykkur öllum kærar páskakveðjur.

Leikskólinn opnar aftur þriðjudaginn 7. apríl.

Njótið samverunnar

Kærleiks kveðja

Starfsfólk Leikskóla Húnabyggðar

Opin fyrirlestur

Tue, 17 Mar 2026 10:55:44 GMT

This is a subtitle for your new post

Hvað liggur á bak við erfiða hegðun?

Vilt þú skilja hvað liggur á bak við erfiða hegðun? Óskar þú eftir verkfærum til þess að hjálpa barni í slíkum aðstæðum? Vilt þú ráðleggingu um hvernig þú getur byggt upp tilfinningafærni og þrautseigju?

Með því að tvinna saman þekkingu á taugakerfinu og tilfinningagreind – er hægt að finna réttu brautina að kærleiksríkum lausnum fyrir börnin okkar þegar þau eiga erfitt.

Markmið með fyrirlestrinum er að auka hæfni þátttakenda til þess að undrast yfir hegðun barna og bæta tengslamyndun. Því í þeim öruggu tengslum getur lærdómur, þátttaka og lífsgleði átt sér stað.
Húnabyggð býður öllum sem hafa áhuga á velferð barna á fyrirlesturinn sem fer fram í Húnaskóla 24. mars. kl. 16:30-18:30

Sögustund

Thu, 26 Feb 2026 11:59:51 GMT

Sögustund á ferð og flugi

Í dag fengum við skemmtilega heimsókn. Foreldrafélagið bauð börnunum á fjórum elstu deildum skólans á leiksýningu.

Sýningin ber nefnið Sögustund á ferð og flugi og er það leikkonan Kristjana Skúladóttir sem segir börnum sögur á lifandi og skemmtilegan hátt.

Hún fangaði athygli barnanna frá fyrstu mínútu. Þau sátu agndofa og hlustuðu af mikilli einbeitingu. Sögurnar voru lifandi, skemmtilegar og lærdómsríkar og börnin nutu sín í botn í þeim ævintýraheimi sem hún skapar með nærveru sinni.

Við þökkum Kristjönu kærlega fyrir dásamlega heimsókn og þá miklu sögugleði sem hún færði okkur öllum í dag.

Gleði á leikskólalóðinni: Kiðlingar í heimsókn!

Thu, 19 Feb 2026 15:58:34 GMT

Kiðlingar í heimsókn!

Í dag ríkti mikil eftirvænting og gleði á leikskólanum okkar þegar við fengum óvenjulega og dásamlega gesti í heimsókn. Kiðlingar frá bænum Breiðavaði mættu á leikskólalóðina og sköpuðu þar einstaka stemningu sem einkenndist af forvitni og einlægri ánægju. Það var dásamlegt að fylgjast með því hvernig þessir litlu ferfætlingar vöktu strax mikla kátínu hjá öllum þeim sem viðstaddir voru.

Heimsóknin var einstaklega skemmtileg og lærdómsrík fyrir börnin. Þau fengu kærkomið tækifæri til að kynnast kiðlingunum í návígi, klappa þeim og fylgjast með gáskafullum leik þeirra á lóðinni.

Þessi stund var ekki aðeins til skemmtunar heldur gaf hún börnunum líka mikilvægt tækifæri til að læra um náttúruna og mikilvægi þess að umgangast dýr af virðingu og kærleika. Kiðlingarnir voru gæfir og forvitnir, sem gerði alla upplifunina enn betri. Svona viðburðir auðga skólastarfið og skilja eftir sig dásamlegar minningar sem munu lifa lengi í huga barnanna.

Við færum fólkinu á Breiðavaði okkar bestu þakkir fyrir að koma með þessa yndislegu gesti til okkar. Þetta var sannkallaður hátíðisdagur á leikskólanum og frábært dæmi um hvernig hægt er að tengja skólastarfið við lífið í sveitinni á skapandi og lifandi hátt.

Dagur leikskólans

Tue, 03 Feb 2026 12:59:49 GMT

Dagur leikskólans

Dagur leikskólans er 6. febrúar ár hvert. Þessi dagur er tileinkaður mikilvægi leikskólastarfs og fræðslu yngstu barnanna en þann 6. febrúar árið 1950 stofnuðu frumkvöðlar leikskólakennara fyrstu samtök sín.

Markmiðið með Degi leikskólans er að stuðla að jákvæðri umræðu um leikskólastarf og um leið beina athygli samfélagsins að því faglega og metnaðarfulla starfi sem innt er af hendi í leikskólum landsins á degi hverjum.

Nemendur og kennarar leikskóla Húnabyggðar vilja af þessu tilefni bjóða foreldrum í heimsókn og borða morgunmat með börnum sínum þennan dag( föstudaginn 6. febrúar ).

Nemendur í Stóra- Fjallabæ bjóða foreldrum í morgunmat kl. 8:30 í mötuneyti Húnabyggðar.

Nemendur í Fjallabæ, Fellabæ, Hólabæ og Þúfubæ bjóða foreldrum að koma kl. 8:15.

Við vonum að sem flestir sjái sér fært að koma og stoppa í smá stund.

Breyting á skipulagstíma

Fri, 02 Jan 2026 11:11:19 GMT

Breyting á skipulagstíma

Gleðilegt nýtt ár!

Samkvæmt skipulagi á að vera skipulagsfundur hjá starfsfólki leikskólans fimmtudaginn 8. janúar. Ákveðið hefur verið að færa hann til föstudagsins 9. janúar. Breytingin kemur til vegna framkvæmda í húseiningu (Fjallabæ).

Til að bæta hljóðvist verður sett upp kerfisloft og einnig verða endurbætur gerðar á lýsingu.

Með þessu fyrirkomulagi er hægt að nýta laugardaginn til að klára verkið og með þessu móti komumst við hjá aukalokun vegna þessa.

Með von um skilning.

Kveðja, leikskólastjóri.

Jólakveðja 2025

Tue, 23 Dec 2025 14:40:10 GMT

Jólakveðja 2025

Ný heimasíða

Tue, 02 Dec 2025 10:34:01 GMT

Ný heimasíða

Eftir erfiða fæðingu er hún komin í loftið!

Starfsdagur Húnabyggðar

Tue, 02 Dec 2025 10:13:25 GMT

Starfsdagur Húnabyggðar

Starfsmenn Húnabyggðar voru saman á starfsdegi í dag í félagsheimilinu. Hafdís og Eva frá Rata stýrðu okkur í gegnum daginn með allskonar spurningum og æfingum. Við erum hægt og rólega að verða helvíti þétt teymi! Áfram Húnabyggð

Lubbanámskeið

Wed, 22 Oct 2025 15:12:51 GMT

Lubbanámskeið á Blönduósi

Lubbanámskeið var haldið með góðum árangri nýlega. Námskeiðið var á vegum Lubbasmiðjunnar en hugmyndasmiðirnir á bak við Lubba eru Þóra Másdóttir og Eyrún Ísfold Gísladóttir. Þær eru talmeinafræðingar með áralanga reynslu af talþjálfun barna. Þátttakendur voru sammála um að námskeiðið hefði verið einstaklega gagnlegt og fræðandi. Eyrún Ísfold kom og hélt námskeiðið í samvinnu við Farskólann og Leikskóla Húnabyggðar.
Starfsfólk leikskóla Húnabyggðar, Barnabóls á Skagaströnd og einn starfsmaður frá leikskólanum Ásgarði á Hvammstanga sóttu námskeiðið.
Lubbanámsefnið býður upp á nýstárlega framsetningu á íslensku málhljóðunum og leggur góðan grunn að lestrarnámi. Það stuðlar einnig að betri orðaforða og ýtir undir skýrari framburð hjá börnum. Þátttakendur lærðu hvernig þeir gætu nýtt efnið til að styðja við málþroska barna á leikskólastigi og nota í daglegu starfi með börnum.

Sumarhátíð leikskólans

Mon, 07 Jul 2025 15:32:22 GMT

Sumarhátíð

Hin árlega sumarhátíð var haldin 25. júní

Sumarlokun

Tue, 24 Jun 2025 09:18:00 GMT

Sumarlokun leikskólans

Leikskólinn lokar kl. 12:15 þriðjudaginn 8. júlí og opnar aftur kl. 12:00 fimmtudaginn 7. ágúst.